salamat sa 'minsan'

salamat sa minsang pagpapangiti mo sa'kin
sa pagdalaw mo sa buhay kong angkin
masaya ako kahit hindi ka marunong mamansin
wala naman ako sa'yo kaya okay lang palampasin.

salamat sa minsang pinaiyak mo ko
dahil sa lubos na pag-ibig at 'di natupad na pangako
ayoko na kasing masaktan nang dahil sa'yo
kaya kahit hindi ko gusto'y kailangan lumayo.

salamat sa minsang ako'y pinakilig mo
tuwing maaalala'y 'di mapigilan ang pagsamo
isa kang matamis na alalang hindi ko malilimutan
kahit na hindi mo iniisip na ako'y nasasaktan.

salamat sa minsang pagngiti mo sa mundo
alam kong 'di magiging akin kaya minsa'y gusto nang madedo
swerte nang maituturing, 'di sinasadyang pagtingin
parang isang panaginip, at 'wag nyo na akong gisingin.

salamat sa minsang pinaasa mo ko
na nauwi walang iba kundi sa pagsuko
akala ko'y aabot nang walang hanggan
ngunit puso'y naging parang basag na pinggan.

salamat sa minsang sinaktan mo ko
dahil tumatag kahit nabasag ang puso ko
utang ko ang lahat sa'yo
kahit na alam kong walang naging 'tayo'.

pero bago ko tuluyang tapusin ito
may nais akong malaman sa'yo at sa sarili ko,
nais kong malaman kung...
gaano kadalas ang 'minsan'?

~orihinal na gawa ni kenkun.(: